Is de Trogg leddig, gnappen sick de Swien

Mäkelborg / Ludwigslust . Nu sall`n wi Minschen üm Ludwigslust man wedder in demokraatsch Aart een niegen Landrat wälen. Jederein von uns dörb so bi "Volkes Herschaft" mitmaken un vör sien Kannedaat afstimmen.

Dat is gaut so, heit dat doch jümmer, dat graa wi in de "niege" Länner von Dütschland düsse "Demokratie" noch nich so lang hebben. So sall`n de Wahl`n in de ollen "Dütschen Demokraatschen Republik" (DDR) ja woll nich gans demokraatsch west sien, so seggt man hüt. Ok ward hüt vertellt "hüt is allens anners, gans un gar demokraatsch".

Dat mit de Demokratie ward düsse Tied prädig as de Psalm von de Kanzel dörch de Paster. Un dat süht graa so ut, as kreeg männicheen dorvun Kanzelfewer. Miteins is allen`s demokraatsch wat de Lüüd wecke graa dat Seggen in`t Land hebben in Kram passen deit.
Jederein weit, väl Minschenlüd gahn hüt nich mihr hen to Wahl, dat warrt von Mal to Mal leeger, de Trogg mit de Stimmen is leddig. Oewer in de Ogen von de "groten" Partei`n krägen de "Verkihrten" noch tau väl von düsse Stimmen af. Man oh man wo geiht dat an, wat maken?
Ein, twei drei warrt von de groten Parteilüüd beslotten wecker Kandidat vör de Wahl taulaaten warrt un wecker nich. De "Verkihrten" hau`n se rut, dat Volk warrt nich fröcht, orrer? Väl Lüüd hebben nu gaar keen Wahl mihr!

Tja, de Trogg is leddig, de Swien gnappen sick, is dat woll Futterniedsch? Kiekt juch blots düssen Zirkus an, da kannst wat beleben, da geiht dat rund.

Im Swienstall setten sik irst de groten, fetten Swiens dörch, oewer man gaut dat dat hier kein Swienstall nich is. Demokratie warrt düsse Dag lud prädigt un lüttschreven, "Volkes Herrschaft" ahn dat wi as Volk de Wahl hebben, warrt dat woll lang gaut gahn?
Quelle: www.npd-mv.de Erstellt am Donnerstag, 10. April 2008