"Politiker sall min Jung warn, seggt de Mudder, leigen kann hei von Dag tau Dag bärer".
Minsch so geiht nich wieder, dat möt wi ännern, steiht up!

~ Stah up - gah tau Wahl un mak din Krüz~

Licht is´t nich, dat Uprappeln üm tau Wahl tau gahn.
Worüm ok?
Kennt woll jederein dat Gefäuhl as wier uns bunnsdüütsche "Demokratie! ne Einbahnstrat, fungscheneert man bloots in ein Richtung oewer nich von ünnen nah baben.
Hest din Wahlkrüz makt, denn is´t vör de tokamen Johr` ok all wärrer ut mit de "Volksherrschaft", (denn ward wärrer von Baben oewer´t Volk regeert).

Kannst di jo sülben maal bekieken, gah hen tau din Stadt -orrer Gemeenvertreden, du weest jo wecken vörrig maal wählt hest. Fraag em maal, worüm he ein Saak so un nich anners beslaten hett.
Egal ob Afgaaf för Warrer-un Afwarreransluss, ob Utglagern von Kinnergoorn un Schaulhort, ob Bugen von Straten orrer süss wat. Sallst di wunnern "woväl" din Verdreden di seggen kann tau sien eigen beslaten Saaken, männigmal: nix.
Dat oewer möt di denn wunnern wenn di mal beseihn hest, woväl Plie din Verdredung doch het.
Kümmt ´t doch vör, dat dor Ünnerlagen ierst fief Minuten vör´t Afstimm up denn Disch kamen orrer upmakt warn, un liekers is din Verdredung doch fix bie´t Afstimm. Wo geiht blot an?

Oewer dat "Wahlvolk" deit jo gau vergäten un wecker kiek schon mit beid Ogen hen wat nah de Wahl maakt ward?

Vör de Wah oewerl fieern uns Boewelsten gau wedder sei ehr "Groten Dahten" Dor würd denn mal wat bugt orrer ok Arbeitstäden säkert -vör ein-twei Johr- dörch "Föddergeller" un "Konjungturprogramme".
Man blots de Geller vör sei ehr groten Dahten hemm´s tauvör von uns afknapst, Stüern, Afgaben, Bieträg´ un annern Kram, dat ward jümmer leeger vör uns Landslüd.
Oewer versteiht sik, is jo allens ganz demokraatsch.

Worüm blot´s hebben de Boewelsten bange, dat väle natschonaale Landslüd dörch Wahl in de Rathüser un Gemeinden rintrecken?
Dor warn niege Gesetze maakt un Satzunen ännert dat Natschonaale nich up Posten kamen orrer tau väl Tied taun räden hebben. Dor ward väl Geld ruteschmeten üm Schaulünnerricht mit Politikers, Füerwehrlüd un Liehrers tau maken, Inhalt:
"Wo schnack ik mit Natschonaale" üm fief Stunn un 400,- Taler later up de Antwurt tau kamen:
"Gaarnich mit de schnacken". Tja, vör Männigein het sik diss Quackeln denn ok wärrer "lohnt".

~Minsch, lat di nich dallerig maken, lat di nix vörschriewen, stah up un mak din Krüz vör din Heimot ~